பற்களுக்கு இடையில் இடைவெளிகள் உள்ளதா?சரிசெய்ய இதை ட்ரை பண்ணுங்க!

மனித உடல் உறுப்புகளில் மிக எளிதாக பாக்டீரியா தொற்றிற்கு உள்ளாகக் கூடிய உறுப்புகளில் பற்கள் முதன்மையானதாக உள்ளது.

அதுவும் பற்கள் மற்றும் ஈறுகளை தாக்க கூடிய பாக்டீரியாக்களினால் உணவுக்குழாய் புற்றுநோய் வரும் வாய்ப்புகள் அதிகரிக்கலாம் என்று மருத்துவ ஆய்வு ஒன்று கூறுகிறது.

எனவே பற்களை சுத்தமாகவும்,ஆரோக்கியமாகவும் வைத்துக்கொள்வது மிகவும் அவசியமாகும்.

பற்களின் இடைவெளியை போக்குவது எப்படி?

  • இரண்டு பற்களுக்கு இடையே உள்ள இடைவெளியை அடைக்க செயற்கை முறையிலான பல்லை வைக்கக்கூடிய சிகிச்சையை மேற்கொள்ளலாம்.ஆனால் இது சிறிய பற்கள் உள்ளவர்களுக்கு மட்டும் பொருந்தும்.
  • அனைத்து பற்களும் இடையேயும் இடைவெளி இருந்தால் அவற்றை அடைப்பது தவறு ஏனெனில் ,அது பற்களின் ஈறுகளை பாதித்து,பற்களின் அளவை பெரிதாக்கிவிடும்.
  • பற்களுக்கு இடையே இருக்கும் இடைவெளிகளை சரிசெய்து,பற்களை சீரமைக்க க்ளிப் போடுவது ஒரு நிரந்திர தீர்வாக இருக்கும்.
  • ஆனால் பற்களுக்கு க்ளிப் போட்டு இருக்கும்போது பற்களில் சேரும் அழுக்குகள்,கரைகளை அடிக்கடி சுத்தம் செய்து கொள்ள வேண்டியது அவசியமாகும்.

பற்களின் ஆரோக்கியத்தை பாதுகாக்க செய்ய வேண்டியவை:

  • பிரஷின் தலைப்பகுதி சிறியதாக இருந்தால் மட்டுமே அது நல்ல பிரஷ்,அத்தகைய பிரஷினை கொண்டு பல் துலக்கினால் பல் வரிசையின் அனைத்து பகுதிகளும் சுத்தமாகும்.
  • தினமும் பற்களை காலை,இரவு என்று இரண்டு முறைகள் பல் துலக்க வேண்டும்.மேலும் சாப்பிட்ட பின்பும் வாய் கொப்பளிக்க வேண்டும்.
  • தினமும் காலையில் பல் துலக்கும் முன் சுத்தமான நல்லெண்ணெயில் வாயை கொப்பளிக்க வேண்டும்.இதனால் பற்களின் ஆரோக்கியம் மேம்படும்.
  • பற்களை வெண்மையாக்க உப்பு மிகவும் சிறந்த பலனை தருகிறது.அதனால் தினமும் உப்பு கலந்த நீரில் வாய் கொப்பளிக்க வேண்டும்.
  • கரும்பு,அன்னாச்சிப்பழம் போன்ற பழங்களை அடிக்கடி சாப்பிடுவதன் மூலம் பற்களுக்கு இடையே உள்ள அழுக்குகள் மற்றும் கிருமிகள் நீங்கும்.